|
|
frãndzos
frãndzos (frãn-dzósŭ) adg – vedz tu frãndzã1
T.Cunia Dictsiunar-a-Limbãljei-Armãneascã vedz: frãndzã1frãndzã1
frãndzã1 (frắn-dzã) sf frãndzã (frắn-dzã) – lucrili verdzã (ca nãshti acoali njits, multi ori lundzi icã arucutoasi) tsi crescu pri lumãchili di arburi (icã es dit truplu di earbã, lilici, etc., tsi treamburã cãndu li bati vimtu, tsi s-usucã sh-cad earna) sh-cu cari arburlji (erghili, lilicili) adilji shi pot s-ufiliseascã ineryia-a soarilui; frundzã, foalji;
(expr:
1: frãndzã compusã – frãndzã ma mari, adratã dit ma multi frãndzã ma njits, tsi pãrnjescu (i) dit un singur loc icã (ii) di pri unã njicã lumãchitsã (axã);
2: frãndzã palmatã – frãndzã tsi sh-adutsi ca palma di la mãna omlui;
3: frãndzã uvalã – frãndzã sprilungã, arucutoasã, tsi sh-u-adutsi cu oulu di gãljinã;
4: talji frãndzã a cãnjlor = nu fatsi tsiva di hãiri;
5: cãt tradzi frãndza sh-arina = multu di multu, cãti frãndzã sh-arinã ari tu lumi;
6: dit frãndzãli di inimã; dit frãndzãli dit hicat = dit ahãndamea-a inimãljei, a hicatilor, a suflitlui;
7: s-shutsã frãndza; s-turnã frãndza = s-alãxirã lucrili;
8: trec tu frãndza-a atsilor... = trec tu-arada-a atsilor...)
{ro: frunză}
{fr: feuille (d’une plante)}
{en: leaf (of plant)}
ex: unã cãti unã frãndzãli s-arupea shi cãdea; adunã nãsã frãndzã dit arburli atsel; arburli deadi frãndzã; deadi frãndza, vinji prumuveara; acumpãrai frãndzã di cirici di mitasi; frãndzãli di pi pom ngãlbinirã di seatsitã; tãljem frãndzã di fag trã calj; s-aibã aveari, cãt tradzi frãndza sh-arina
(expr: multu di multu, cãti frãndzã ari tu lumi); pãnã tu frãndzãli di inimã
(expr: pãnã tu ahãndamea-a suflitlui); u turnã frãndza shi bãgã zbor, cã-lj ljartã tuti cãti-lj featsi; lu-avea tricutã di multu tu frãndza-a
(expr: tu-arada-a) atsilor tsi nu s-toarnã dit lumea-alantã
§ frundzã (frún-dzã) sf frundzã (frún-dzã) – (unã cu frãndzã1)
ex: dinãoarã deadi frundzã, lãludz shi gortsã; ahiurhirã s-cadã frundzãli; trimura ca frundza; frundzã veardi di sicarã; sunã chetri, frundza s-minã; plãndzea dit frundza di hicati
(expr: dit ahãndamea-a suflitlui); pi Chendra ãl strãpundzi tru-a inimãljei frundzi
(expr: pãnã tu-ahãndamea-a inimãljei)
§ frãnzã (frắn-zã) sf frãnzã (frắn-zã) – (unã cu frãndzã1)
ex: uhtã dit frãnzãli di inimã
mãlãfrandzã
mãlãfrandzã (mã-lã-frán-dzã) sf mãlãfrandzã (mã-lã-frán-dzã) –
1: lãngoari tsi s-lja di la bãrbat la muljari (di la muljari la bãrbat) cãndu s-bagã deadun tu ashtirnut, sh-cari s-aspuni cu arãnj tsi es prota pi hãlãtsli (mãdularli) sexuali sh-deapoea tu alti pãrtsã dit trup;
2: lãngoari tsi s-lja di la bãrbat la muljari (di la muljari la bãrbat) cãndu s-bagã deadun tu-ashtirnut, sh-cari s-aspuni cu-nã curari di dzamã shi usturari la chishari; malufrandzã, mulufrandzã
{ro: sifilis, blenoragie}
{fr: syphilis, blennorragie}
{en: syphilis, gonorrhea}
ex: lu-acãtsã mãlãfrandza
§ mãlãfrãndzos (mã-lã-frãn-dzósŭ) adg mãlãfrãndzoasã (mã-lã-frãn-dzŭá-sã), mãlãfrãndzosh (mã-lã-frãn-dzóshĭ), mãlãfrãndzoasi/mãlãfrãndzoase (mã-lã-frãn-dzŭá-si) – tsi easti lãndzit di mãlãfrandzã; tsi ari s-facã cu mãlãfrandza
{ro: sifilitic, cu blenoragie}
{fr: syphilitique, blennorragique}
{en: with syphilis, with gonorrhea}
§ malufrandzã (ma-lu-frán-dzã) sf malufrandzã (ma-lu-frán-dzã) – (unã cu mãlãfrandzã)
§ mulufrandzã (mu-lu-frán-dzã) sf mulufrandzã (mu-lu-frán-dzã) – (unã cu mãlãfrandzã)
mãlãfrãndzos
mãlãfrãndzos (mã-lã-frãn-dzósŭ) adg – vedz tu mãlãfrandzã
T.Cunia Dictsiunar-a-Limbãljei-Armãneascã vedz: mãlãfrandzã