stog (stógŭ) sn stoguri (stó-gurĭ) shi stoazi(?) (stŭá-zi) – multimi di lucri bãgati unã pisti-alantã (multili ori fãrã aradã, cãtivãrãoarã cu-aradã); stoc, stivã, grãmadã, gumaradã, murmani, cup, culeu, grumbã, grumbur, grumur, suro, surii, sumãreauã;
(expr: cu stog = mplin (di lucri) di nu mata ncapi altutsiva)
{ro: grămadă}
{fr: tas, amas}
{en: heap, pile, cluster}
ex: nã featã-adunatã stog sh-cu cusitsãli tru loc (angucitoari: tseapa); yini cu un stog (stivã, grãmadã) di leamni dinanumirea; cu bratsili shi mãnjli ncurtsiljati pi nãsi sh-adunati stog (deadun, grãmadã); di tuti luguriili din casã featsirã dauã stoguri shi deapoea arcarã shcurtica, un lo un stog, alantu altu; deadi foc la stoglu di palji; ãlj vinji arãu shi cãdzu stog (ca tu-unã grãmadã) ãmpadi; ca stoguri (un suro) di flurii; flurii di frãndzã stoguri (grãmãdz); turmi… nã dau di lãnã stoazi (stoguri); s-adunarã furlji stog (tuts deadun, un ningã-alantu) di bãgarã Steryea ntroc; sãdii nã parti di-ayinji cu sãrmets dit Amirichii; adusi di la-ayinji sãrmets nã cherã cu stog
(expr: mplinã pãn di budza-a cherãljei)
§ stoc (stócŭ) sn stocuri (stó-curĭ) – (unã cu stog)
ex: stocuri (suro) di liri; li-adunai mearili di pri pom sh-li alãsai stocuri, stocuri tu ubor; aveam tu udã un stoc di lucri
§ nstog1 (nstógŭ) (mi) vb I nstugai (nstu-gáĭ), nstugam (nstu-gámŭ), nstugatã (nstu-gá-tã), nstugari/nstugare (nstu-gá-ri) – adun lucri stog (fãrã nitsiunã aradã, un pisti-alantu, ashi cum s-tihiseashti sã-nj cadã tu mãnã); (mi-)adun stog; (mi-)adun guzmolj; nguzmuljedz, cuculescu
{ro: îngrămădi; (se) ghemui}
{fr: empiler; pelotonner}
{en: pile up; curl up}
ex: nstugarã tuti luguriili tu ubor
§ nstugat (nstu-gátŭ) adg nstugatã (nstu-gá-tã), nstugats (nstu-gátsĭ), nstugati/nstugate (nstu-gá-ti) – tsi easti adunat stog (guzmolj); nguzmuljat, cuculit
{ro: îngrămădit; ghemuit}
{fr: empilé; pelotonné}
{en: piled up; curled up}
ex: nstugats (adunats, stog, gljem) di-arcoari
§ nstugari/nstugare (nstu-gá-ri) sf nstugãri (nstu-gắrĭ) – atsea tsi s-fatsi cãndu cariva adunã lucri stog; atsea tsi s-fatsi cãndu s-adunã stog; nguzmuljari, cuculiri
{ro: acţiunea de a îngrămădi; de a (se) ghemui}
{fr: action d’empiler; de pelotonner}
{en: action of piling up; of curling up}
ex: dauã dzãli tsãnu nstugarea-a snochilor
§ distog (dis-tógŭ) (mi) vb I distugai (dis-tu-gáĭ), distugam (dis-tu-gámŭ), distugatã (dis-tu-gá-tã), distugari/distugare (dis-tu-gá-ri) – surpu (aspargu, scot lucri dit) un stog di lucri
{ro: da jos lucruri îngrămădite}
{fr: démolir une pile}
{en: demolish a pile}
ex: distugarã (scoasirã dit stoglu iu eara adunati) vilendzãli dit misandrã
§ distugat (dis-tu-gátŭ) adg distugatã (dis-tu-gá-tã), distugats (dis-tu-gátsĭ), distugati/distugate (dis-tu-gá-ti) – (stog) tsi esti surpat; (lucru) tsi easti scos dit un stog
{ro: (lucru dintr-o grămadă) dat jos}
{fr: (pile) démolie}
{en: (pile) demolished}
§ distugari/distugare (dis-tu-gá-ri) sf distugãri (dis-tu-gắrĭ) – atsea tsi s-fatsi cãndu un stog s-surpã
{ro: acţiunea de a da jos lucruri îngrămădite}
{fr: action de démolir une pile}
{en: action of demolishing a pile}
§ nstog2 (nstógŭ) adv – ca stog, ca grãmadã, etc.
{ro: grămadă}
{fr: comme un tas, un amas}
{en: as a heap, as a pile}
ex: featsirã nstog (ca stoguri) snochilji; eara poami nstog (ca stoglu)
§ nstur (nstúrŭ) (mi) vb I nsturai (nstu-ráĭ), nsturam (nstu-rámŭ), nsturatã (nstu-rá-tã), nsturari/nsturare (nstu-rá-ri) – adun lucri stog (fãrã nitsiunã aradã, un pisti-alantu, ashi cum s-tihiseashti sã-nj cadã tu mãna); ãnstur, nstog
{ro: îngrămădi}
{fr: empiler}
{en: pile up}
§ nsturat (nstu-rátŭ) adg nsturatã (nstu-rá-tã), nsturats (nstu-rátsĭ), nsturati/nsturate (nstu-rá-ti) – tsi easti adunat stog (guzmolj)
{ro: îngrămădit}
{fr: empilé}
{en: piled up}
§ nsturari/nsturare (nstu-rá-ri) sf nsturãri (nstu-rắrĭ) – atsea tsi s-fatsi cãndu cariva adunã lucri stog
{ro: acţiunea de a îngrămădi}
{fr: action d’empiler}
{en: action of piling up}
§ ãnstur (ãn-stúrŭ) (mi) vb I ãnsturai (ãn-stu-ráĭ), ãnsturam (ãn-stu-rámŭ), ãnsturatã (ãn-stu-rá-tã), ãnsturari/ãnsturare (ãn-stu-rá-ri) – (unã cu nstur)
ex: ãnsturai leamnili tra s-dizbar uborlu
§ ãnsturat (ãn-stu-rátŭ) adg ãnsturatã (ãn-stu-rá-tã), ãnsturats (ãn-stu-rátsĭ), ãnstura-ti/ãnsturate (ãn-stu-rá-ti) – (unã cu nsturat)
§ ãnsturari/ãnstu-rare (ãn-stu-rá-ri) sf ãnsturãri (ãn-stu-rắrĭ) – (unã cu nsturari)
T.Cunia Dictsiunar-a-Limbãljei-Armãneascã ma multu/ptsãn